Alkatearen agurra
Guztiok daramagu gurekin bizipenen biltegi moduko bat, uneoro elikatzen duguna. Garrantziaren arabera, tarte txikia edo handia hartuko dute bizipenok kutxatxo horretan. Irurarron kasuan, gure jaietan bizitako horiek aparteko lekuan kokatzen ditugu. Urtez urte datozen uneak, aspalditik gordeta ditugun horien alboan ipiniko dira, memoriaren malgutasun hori baliatuz.
- Lehenbiziko aldiz, Irurako plazan, herensugea hegan ikusi zenuenekoa…
- Zure oinek, inoiz baino arinago, buruhandi eta erraldoien aurrean korri egin zutenekoa…
- Play Back jaialdiko ikuskizun zoro eta barregarri hura…
- Lagunekin, eguna argitu arte, eginiko parranden uneak…
- Kontzertu gogoangarri hura…
- Gazte festa eguneko pasadizo ugariak…
- Eta etorriko direnak!!
Horixe desio dizuet, ilusioz, errespetuz eta berdintasun giro batean, une bereziez gozatzea. Herensugearen erretzearekin batera, keak airean bezala, bizipenek bere bidea egin eta gure memorian atseden hartu arte.
Nire eskerrik beroenak Kultur Mahaiko elkarte eta kide guztiei. Baita boluntario lanetan ibiliko zaretenoi ere
Gora Irura, eta gora Sanmielak!
