Nerabeak

Gaztelekua

Irurako gazteria politikak eta Gipuzkoako haurren eta gazteen sustapenerako sistemak (Gaztematikak), herriko haur eta nerabeei, gozamenaren bidez beraien behar eta interesei arreta eskaini eta herritar aktibo izateko eskubidea bermatu nahi die. Premia horiei hurbileko erantzuna emateko asmoz, Irurak, Gaztematikako Haur, Nerabe eta Gazteen Ekimenak eta Parte-Hartzea Sustatzeko Zerbitzuan (PSZ) parte hartzen du.

gaztelekua

PSZ, balio hezitzaileak oinarri hartuz, haur eta nerabeak bizitzarako trebatzen dituen aisialdiko zerbitzua da. Beste modu batera esanda, beraien garapen pertsonal eta soziala, ongizatea, aniztasuna, aukera berdintasuna, emozioen kudeaketa, ohitura osasungarriak, sormena, talde lana, erantzukizuna, elkarbizitza, euskara, etab. bezalako balioak sustatzen dituen zerbitzua

Iruran, aurrez aipatutako balio hauek, profesional hezitzaileen bide laguntzarekin hezkuntza ez-formaleko ludoteka eta gazteleku zerbitzuen bidez transmititzen dira. Gaztelekuaren kasuan, guztientzat irekia den espazio bat eskaintzen die 12-16 urte bitarteko nerabeei, hauek komunitatean entzunak eta ikusaraziak eginez. Ikasturte honetan herriko gaztelekuak urriaren 18an irekiko ditu ateak eta hauek dira aurtengo taldekatze eta ordutegiak:

Hauek dira aurtengo taldekatze eta ordutegiak:

2012 eta 2013an jaiotakoak: Ostirala (16:30-19:00)
2011, 2010 eta 2009an jaiotakoak: Larunbata (16:00-20:00)

*Talde bakoitzak astean behin jasoko du zerbitzua eta astez aste bertaratzeko eguna txandakatuz joango da (hileroko programazioan zehaztuko da talde bakoitzaren eguna). Modu honetan, bi taldeek aukera berak edukitzea bermatu nahi da. Hala ere, aurrez aurreko zerbitzua martxan jartzean, izen-ematen duten nerabeei beraien iritzia galdetuko zaie eta beraien nahien arabera jardungo da.

Oharra: Ikasturtean zehar posible da aldaketak egotea taldeei eta ordutegiei dagokionez.

Jakinarazi nahi dizuegu ere, kontziente garela balio hezitzaileak oinarri dituen zerbitzu honek gure haur eta nerabeen heziketan duen garrantziaz. Honen aurrean, udalak, hainbat baliabide ekonomiko, material eta pertsonal eskaintzen ditu, baina gure herriko nerabeen garapen osorako ez dira nahikoa, komunitate osoaren inplikazioa ezinbestekoa da eta horretarako bidea elkarlana da. Hilabetero, programaketa bat bidaliko zaizue eta zuen nerabeekin gainbegiratzea komeni da, beraiek ere zerbitzuan zer landuko duten, zer ekarri behar duten eta programaketan bertan egon daitezken bestelako hainbat oharren berri izan dezazuen.

Gure zerbitzuaren inguruko helburu, asmo, lan egiteko modu eta abarri buruz informazio gehiago nahi baduzu: