Web edukia bistaratu

Ludoteka eta Gaztelekuan izena emateko epea irekita • 2020

Ikasturte berria hasi dela-eta, Irurako Haur, Nerabe eta Gazteen sustapen sailak, herriko ludotekaren eta gaztelekuaren ateak irekiko ditu urriaren 13an. Aurreko ikasturtean Covid-19aren ondorioz bizitako itxialdiak, eragin handia izan du haur eta nerabeen osasun eta emozioetan; izan ere, euren garapen, osasun eta ongizaterako funtsezkoak diren harreman, mugimendu eta bat-bateko jolasik gabe geratu ziren. Gure kasuan, zerbitzu digitalaz eta uda aisialdiaz baliaturik, galdutako harreman, jolas eta esperientzian oinarritutako jarduera hezitzaile horiek berreskuratu ahal izan ditugu neurri batean, baina, ezinbestekoa da horretan lanean jarraitzea.  

Ludoteka eta gaztelekua, haur eta nerabeen beharrei egokitutako guneak dira, non, jolasaren bitartez eta hezitzailearen bide-laguntzarekin, lagunekin gozatzeko, hezteko eta garatzeko lekua eskaintzen duten. Egoera berri honetan, inoiz baino garrantzitsuagoa da haur eta nerabeak bizitzarako jakintzak eskuratzea eta trebatzea; eta hezkuntza ez-formaleko zerbitzu honek berezko du hori. 

Covid-19aren hedapenak, alor guztietan bezala gurean ere eragina izan du; gure zerbitzua gune segurua izatea nahi dugunez, hainbat neurri hartu ditugu eta horiek betetzeko eta zerbitzua aurrera eramateko ezinbestekoa da haur, nerabe, guraso eta hezitzaileen ulerkortasuna eta elkarlana. 

Urteetan zehar  ludotekak 4-11 urte bitarteko haurrei eta gaztelekuak 12-17 urte bitarteko haurrei, euskaraz, modu aktiboan eta parte hartzea sustatuz aisialdiaz gozatzeko aukera eman die eta aurten ere hori da gure helburua, baina horretarako eta segurtasun neurriak errespetatu ahal izateko adin tarte bakoitzaren txandak, orduak eta kopuruak murriztu behar izan ditugu. Gaztelekuko kasuan, baita espazio berriak sortu ere. 

Kopuruari dagokionez, txanda bakoitzean gehienez 14 haur/nerabe sartuko dira eta Iruran erroldatutakoek lehentasuna izango dute. Norbait kanpoan geratuz gero, hurrengo astean lehentasuna izango du, baina, ADI! Soilik hurrengo astean.

Oharra: Ikasturtean zehar posible da aldaketak egotea taldeei, kopuruei, ordutegiei eta espazioei dagokionez. Baita ere, Covid-19-aren ondorioz, zerbitzua egokitzea edo aurrez aurreko zerbitzua bertan behera geratzea.

Ludoteka

Hazi, Hezi Ekin! Zatoz gurekin

Urriaren 13tik aurrera, ludotekak ateak zabalik izango ditu eta ikasturte osoan zehar, hauxe izango da ludotekako ordutegia:

2015 eta 2016an jaiotakoak

  • Asteazkena: 16:45 - 17:45

2014an jaiotakoak

  • Asteartea: 16:45 - 17:45

2013an jaiotakoak

  • Osteguna: 18:00 - 19:00

2012an jaiotakoak

  • Osteguna: 16:45 - 17:45

2011an jaiotakoak

  • Asteartea: 18:00 - 19:00

2010ean jaiotakoak

  • Asteazkena: 18:00 - 19:00

* Zerbitzu batetik bestera 15 minutuko tartea egongo da: gelaren desinfekzioa eta aireztatzea gauzatzeko.

Gazteleku

Hazi, Hezi, Ekin! Zatoz gurekin. Gaztelekuak

Gaztelekuak berriz, urriaren 16tik aurre zabalduko ditu ateak eta hauxe izango da gaztelekuko ordutegia:

2009an jaiotakoak

  • Ostirala: 17:00 - 19:00 Ludotekan

2008ean jaiotakoak

  • Ostirala: 17:00 - 19:00 Gaztelekuan

2007an jaiotakoak

  • Larunbata: 16:00 - 19:00 Gaztelekuan

2005 eta 2006an jaiotakoak

  • Larunbata: 16:00 - 19:00 musika eskolan

* Talde bakoitzak astean behin jasoko du zerbitzua eta astez aste bertaratzeko eguna eta espazioa txandakatuz joango da (hileroko programazioan zehaztuko da talde bakoitzari dagokion eguna eta espazioa). Modu honetan, talde guztiek aukera berak edukitzea bermatu nahi da. Hala ere, aurrez aurreko zerbitzua martxan jartzean, izen-ematen duten nerabeei beraien iritzia galdetuko zaie eta beraien nahien arabera jardungo da.

Izen ematea

Urriaren 1etik aurrera (ikasturte osoan zehar) www.irura.eus atarian. Haurra ludotekara joan ahal izateko derrigorrezkoa da izen-ematea aldez aurretik egitea. 

Gomendioa: Haurrak aurrez aurreko zerbitzuaz gozatzeko asmorik ez badu ere, komeni da izen-ematea egitea, WhatsApp difusio talde bidez egiten diren bestelako ekitaldien inguruko informazioa jasotzeko.

Informazio gehiago eta harremanetarako

 

COVID-19aren testuinguruan Ludoteka eta Gaztelekuaren funtzionamendurako jarraibideak

 

Dokumentuak deskargatu

COVID-19 protokoloa [pdf]