Ludoteka eta gaztelekuan izena emateko epea irekita

Ludoteka eta Gaztelekuan izena ematea • 2023/24

Urriaren 2tik aurrera

Irurako gazteria politikak eta Gipuzkoako haurren eta gazteen sustapenerako sistemak (Gaztematikak), herriko haur eta nerabeei, gozamenaren bidez beraien behar eta interesei arreta eskaini eta herritar aktibo izateko eskubidea bermatu nahi die. Premia horiei hurbileko erantzuna emateko asmoz, Irurak, Gaztematikako Haur, Nerabe eta Gazteen Ekimenak eta Parte-Hartzea Sustatzeko Zerbitzuan (PSZ) parte hartzen du.

PSZ, balio hezitzaileak oinarri hartuz, haur eta nerabeak bizitzarako trebatzen dituen aisialdiko zerbitzua da. Beste modu batera esanda, beraien garapen pertsonal eta soziala, ongizatea, aniztasuna, aukera berdintasuna, emozioen kudeaketa, ohitura osasungarriak, sormena, talde lana, erantzukizuna, elkarbizitza, euskara, etab. bezalako balioak sustatzen dituen zerbitzua.

Iruran, aurrez aipatutako balio hauek, profesional hezitzaileen bide laguntzarekin hezkuntza ez-formaleko ludoteka eta gazteleku zerbitzuen bidez transmititzen dira. Ludotekaren kasuan, guztientzat irekia den espazio bat eskaintzen die 4-11 urte bitarteko haurrei, hauek komunitatean entzunak eta ikusaraziak eginez.

Jakinarazi nahi dizuegu ere, kontziente garela balio hezitzaileak oinarri dituen zerbitzu honek gure haur eta nerabeen heziketan duen garrantziaz. Honen aurrean, udalak, hainbat baliabide ekonomiko, material eta pertsonal eskaintzen ditu, baina gure herriko nerabeen garapen osorako ez dira nahikoa, komunitate osoaren inplikazioa ezinbestekoa da eta horretarako bidea elkarlana da. Hilabetero, programaketa bat bidaliko zaizue eta zuen nerabeekin gainbegiratzea komeni da, beraiek ere zerbitzuan zer landuko duten, zer ekarri behar duten eta programaketan bertan egon daitezken bestelako hainbat oharren berri izan dezazuen.

Ludoteka, Gaztelekuak

Ludoteka

Ikasturte honetan herriko ludotekak urriaren 17an irekiko ditu ateak eta hauek dira aurtengo taldekatze eta ordutegiak:

2018/19an jaiotakoak

  • Osteguna: 16:30 - 17:45

2017an jaiotakoak

  • Asteartea: 16:30 - 17:45

2016an jaiotakoak

  • Asteazkena: 16:30 - 17:45

2015an jaiotakoak

  • Asteazkena: 17:45 - 19:00

2014an jaiotakoak

  • Azteartea: 17:45 - 19:00

2013an jaiotakoak

  • Osteguna: 17:45 - 19:00

* 2018-2019 urtean jaiotakoentzat oharra: PSZ, haurren (5-11 urte), nerabeen (12- 17 urte) eta gazteen (18-30 urte) bizi-aldi bakoitzari egokitutako behar eta eskaerei zein horien arteko trantsizioei arreta eskaintzen dien zerbitzua da. Lehen urteei dagokionez, 0 eta 5 urte bitarteetan zehazki, familiarekiko loturak eta oinarrizko estimulaziotarako sarbideak dira nagusi haurren arretan, horregatik aurrez-aurreko zerbitzuan lantzeko helburuak zehaztu gabe daude. Gure kasuan, ludoteka zerbitzua 4 urtetik aurrera eskaintzen da, baina adin honetan zerbitzua jolas ludikora eta zaintzara bideratzen da.

Gazteleku

Ikasturte honetan herriko gaztelekuak urriaren 20ean irekiko ditu ateak eta hauek dira aurtengo taldekatze eta ordutegiak:

2011 eta 2012an jaiotakoak

  • Ostirala (16:30-19:00) eta Larunbata (16:00-19:00)

2008, 2006 eta 2010an jaiotakoak

  • Ostirala (16:30-19:00) eta Larunbata (16:00-19:00)

* Talde bakoitzak astean behin jasoko du zerbitzua eta astez aste bertaratzeko eguna txandakatuz joango da (hileroko programazioan zehaztuko da talde bakoitzaren eguna). Modu honetan, bi taldeek aukera berak edukitzea bermatu nahi da. Hala ere, aurrez aurreko zerbitzua martxan jartzean, izen-ematen duten nerabeei beraien iritzia galdetuko zaie eta beraien nahien arabera jardungo da.

Oharra: Ikasturtean zehar posible da aldaketak egotea taldeei eta ordutegiei dagokionez.

Izen ematea

Urriaren 2tik aurrera (ikasturte osoan zehar) www.irura.eus atariako Haur, Nerabe eta Gazteak atalean egin daiteke. Haur eta nerabeak zerbitzuetara joan ahal izateko derrigorrezkoa da izen ematea egitea.

Izen emate Ludotekan

Izen emate Gaztelekuan

 

Informazio gehiago eta harremanetarako