Badira urte batzuk zuen auzoko aisialdi-gunean Udalak haurrentzako jolas parkea jarri zuela. Denbora honetan, instalazioen egoera fisikoa pixkanaka okertzen joan da, egurrezko estrukturak eta zoruko materialak hainbat lan
mantenu behar izan dituztelarik. Hala ere, iritsi da momentua konponketa horiek ez direla nahikoak instalazioen baldintza egokiak bermatzeko.

Irurako udalak, 2022ko aurrekontuetan, inbertsiotarako atalean, 50.000 euro gorde ditu Laskibar parkeko aisialdi-gunerako.

Informazio-oharra. 2022-10-04

Irurako udalak 2022ko apirilean Laskibar auzoko jolas parkearen egoera ikusita, bizilagunekin batera, aisialdi-gunearen partaidetza prozesua martxan jarri zuen. Eraldatze lan hauek egikaritzeko, 2022ko aurrekontuetan inbertsiorako atalean, 50.000 euro gorde zituen.

Behin partaidetza prozesua aurkezteko bilera egin ondoren, proposamenak egiteko epea zabaldu zen eta hainbat eskakizun egin zenituzten. Jasotako proposamenak eta guneak eskaintzen dituen baliabide naturalak kontuan edukita, udalak mahaiak, ping-pong jokoa, tirolina, parkour zirkuitua eta haurrentzako jokoa jartzea erabaki du auzotarren nahiak islatzeko.

Gaur egun dagoen jolas parkeari dagokionez, ustekabeko arazoak sortu dira. Hasiera batean eraberritu eta mantentzea erabaki bazen ere, termiten ondorioz oso egoera txarrean dagoela konturatu gara eta egoerak kentzera behartuko gaitu. Hala ere, jolas parke berri bat ipiniko da, nahiz eta honek aurrekontua zein epeak handituko diren.

Tirolina, ping-pong jokoa eta aisiarako mahaiak, epe motzean jartzea aurreikusten da eta gainontzeko jokoak jartzeko lizitazioa martxan jarriko da.

Edozein zalantza argitzeko udalera deitu dezakezue.