Irurako aisialdi, kultura, kirol eta gazteria arloetan gertatzen denaz jabetzea, jarraipena egitea, eragitea eta egoera hobetzeko zerbitzuak eskaintzea eta optimizatzea da zerbitzu honen eginkizuna. Zerbitzu honek hainbat jarduera garatzen ditu: herriko eragileekin osatutako Kultur Mahaia koordinatzen du; kultur ekitaldiak eta formazio-saioak antolatzen ditu; kirol ekitaldiak, jarduerak eta ikastaroak eskaintzen ditu; eta gazteria zein euskara zerbitzuekin elkarlanean aritzen da. Helburu nagusiak dira Iruran herri bizia mantentzea eta herritarren nahi eta beharrak asetzea kultura, aisialdi eta kirolaren alorrean.