Haurrak

Ludoteka

Irurako gazteria politikak eta Gipuzkoako haurren eta gazteen sustapenerako sistemak (Gaztematikak), herriko haur eta nerabeei, gozamenaren bidez beraien behar eta interesei arreta eskaini eta herritar aktibo izateko eskubidea bermatu nahi die. Premia horiei hurbileko erantzuna emateko asmoz, Irurak, Gaztematikako Haur, Nerabe eta Gazteen Ekimenak eta Parte-Hartzea Sustatzeko Zerbitzuan (PSZ) parte hartzen du

Ludoteka

PSZ, balio hezitzaileak oinarri hartuz, haur eta nerabeak bizitzarako trebatzen dituen aisialdiko zerbitzua da. Beste modu batera esanda, beraien garapen pertsonal eta soziala, ongizatea, aniztasuna, aukera berdintasuna, emozioen kudeaketa, ohitura osasungarriak, sormena, talde lana, erantzukizuna, elkarbizitza, euskara, etab. bezalako balioak sustatzen dituen zerbitzua.

Iruran, aurrez aipatutako balio hauek, profesional hezitzaileen bide laguntzarekin hezkuntza ez-formaleko ludoteka eta gazteleku zerbitzuen bidez transmititzen dira. Ludotekaren kasuan, guztientzat irekia den espazio bat eskaintzen die 4-11 urte bitarteko haurrei, hauek komunitatean entzunak eta ikusaraziak eginez. Ikasturte honetan herriko ludotekak urriaren 15ean irekiko ditu ateak eta hauek dira aurtengo taldekatze eta ordutegiak

Asteartea (16:30-17:45): 2018an jaiotakoak
Asteartea (17:45-19:00): 2016ean jaiotakoak
Asteazkena (16:30-17:45): 2017an jaiotakoak
Asteazkena (17:45-19:00): 2014an jaiotakoak
Osteguna (16:30-17:45): 2019/20ean jaiotakoak
Osteguna (17:45-19:00): 2015ean jaiotakoak

*2019-2020 urtean jaiotakoentzat oharra: PSZ, haurren (5-11 urte), nerabeen (12- 17 urte) eta gazteen (18-30 urte) bizi-aldi bakoitzari egokitutako behar eta eskaerei zein horien arteko trantsizioei arreta eskaintzen dien zerbitzua da. Lehen urteei dagokionez, 0 eta 5 urte bitarteetan zehazki, familiarekiko loturak eta oinarrizko estimulaziotarako sarbideak dira nagusi haurren arretan, horregatik aurrez-aurreko zerbitzuan lantzeko helburuak zehaztu gabe daude. Gure kasuan, ludoteka zerbitzua 4 urtetik aurrera eskaintzen da, baina adin honetan zerbitzua jolas ludikora eta zaintzara bideratzen da.

Jakinarazi nahi dizuegu ere, kontziente garela balio hezitzaileak oinarri dituen zerbitzu honek gure haur eta nerabeen heziketan duen garrantziaz. Honen aurrean, udalak, hainbat baliabide ekonomiko, material eta pertsonal eskaintzen ditu, baina gure herriko txikienen garapen osorako ez dira nahikoa, komunitate osoaren inplikazioa ezinbestekoa da eta horretarako bidea elkarlana da. Hilabetero, programaketa bat bidaliko zaizue eta zuen haurrekin gainbegiratzea komeni da, beraiek ere zerbitzuan zer landuko duten, zer ekarri behar duten eta programaketan bertan egon daitezken bestelako hainbat oharren berri izan dezaten.

Gure zerbitzuaren inguruko helburu, asmo, lan egiteko modu eta abarri buruz informazio gehiago nahi baduzu