2024·02·27
Ostiral honetan egingo da udaletxe berrituaren inaugurazioa. 19:00etan emango zaio hasiera ekitaldiari eta herritar guztiak gonbidatuta daude.
Udaletxe berritua bisitatzeko aukera izango dute gerturatzen direnek. Aurrerantzean bertan bateratuko dira hainbat udal-zerbitzu eta goiko solairuan erabilera anitzetarako aretoa egongo da. Parte-hartze prozesu zabal baten bidez diseinatu zen udaletxe berria eta ostiral honetan izango da azken emaitza bertatik bertara ezagutzeko aukera. Bisitaldiaren ondoren, mokadutxoa jateko aukera ere izango da.
Ostiralean bertan, elkarteen bilgunea ezagutzeko aukera ere izango dute herritarrek. Zerbitzu hau ere parte-hartze prozesu baten bidez bideratu zen eta beharrezko lanak egin ondoren martxan da dagoeneko. Bisitaldia egiteko aukera eskainiko da ostiralean.