2026·03·06
Gazteria
SALTO! udaleku ibiltaria 2008-2011 artean jaiotako gazteentzat
UEMAk, Udalerri Euskaldunen Mankomunitateak, beste urte batez udalerri euskaldunetako gazteentzako SALTO! udalekua antolatuko du. Aurtengo udalekua 2008-2011 urteen artean jaiotako gazteentzako izango da.
Ohi bezala, udalekua ibiltaria izango da. Bi txanda egongo dira, eta bakoitzean 60 lagun elkartuko dira.
Euskara eta gozamena uztartuko ditu udalekuak hamar egunez Bizkaian zehar. Gainera, Euskal Herriko txoko ezberdinetako euskalkiak partekatzeko eta lagun berriak egiteko aukera paregabea izango da. Horrekin batera, kultur ekitaldiez eta mendi-ibilbideez gozatzeko aukera ere egongo da.
Informazio osagarria
Udalekua Bizkaian zehar egingo da, eta bi txandetan ibilbide bera izango du: Markina-Xemein, Atxagarai aterpetxea (Aulesti), Aulesti, Berriatua eta Ondarroa.
Prestatu motxila, jantzi oinetakoak eta egin SALTO lagun euskaldunen artera!
Informazio gehiagorako: labur.eus/salto2026