2020·04·27
Martxoaren 14ko 463/2020 Errege Dekretuaren bidez, alarma egoera deklaratzen da, Covid-19ak eragindako osasun-krisialdia kudeatzeko. Errege-dekretu horretan bildutako neurriek txikizkako lokal eta establezimenduak jendearentzat irekitzeko etenaldia ezartzen dute, eta eteten dute, halaber, errege-dekretu horretan behar-beharrezkotzat jotzen ez diren jardueren garapena. Neurri horien ondorioz, norberaren konturako langile askok eten behar izan dute beren jarduera.
Bada, Irurako Udalak, lagundu nahi du negozioak aldi baterako ixteak zuzenean eragindako galera ekonomikoa arintzen, eta, ahal den neurrian, halako negozioak itxi beharra ekiditen.
Alde horretatik, azpimarratzekoa da udalerri honetan merkataritza eta ostalaritza-sektorea ahula dela, eta, beraz, oso garrantzitsua da egoera honek gehiago ez ahultzea.
Programatzen diren laguntza ekonomikoak jardueraren gastuak finantzatzera eta, ahal den neurrian, diru-sarreren galera arintzera bideratuta daude.