Eskerrik asko Toti, Udalaren eta herritarren izenean...
2023·03·07
Irurako Ametsa Pilota Elkarteko ordezkari Mikel Uzkudunen hitzak
Adiorik ez, Toti!
"Toti" (Jesus Mari Loitegi Yaben) irurar pilotari-ohia joan zaigu gure artetik. Euskal Pilotan emandako lehen pilotakadak, garai horretako irurar gazte gehienok bezala, xarez eman bazituen ere, berehala piztu zitzaion zesta puntaren Ameriketako sugarra, eta buru belarri ekin zion zesta puntan jokatzeari. Tolosako Beotibarren hasi, eta Donostiako Baldan zebilela, etorri zitzaion Benidormera, profesional bezala, jokatzera joateko aukera, oso gazte zelarik. Hor denbora gutxi eginda, itsasoa zeharkatu eta Ameriketako frontoietan jokatzeko aukera heldu zitzaion. Urte zoragarri batzuk eman zituen bertan, eta ameriketako abentura polit hura amaituta, itzuli zen berriro Irurara, bere pilotari aroari amaiera emanez. Gerora, Lekeitiora ezkondu, familia bat osatu eta urte gehienak bertan eman ditu, Irurara joan-etorri batzuk eginez.
Goian bego!