Auzo konpostagailuak
2025·03·19
Auzo konpostagailuak berrituko ditu Irurako Udalak, Vermican enpresaren eskutik. Konposten aldaketen kostua 6.793€-koa da.
Auzo konpostan izen-emateko deia egiten du Udalak. Horretarako, ingurumena@irura.eus helbidera idatzi edo udaleko telefonora (943691333) deitu behar da.
Hona hemen auzo konposta egitearen onura batzuk:
- Hondakin gutxiago: Hondakinak auzoan birziklatzean, zabortegietara edo erraustegietara bidali beharreko hondakin kopurua murrizten da.
- Karbono aztarna txikiagoa: Hondakinak garraiatzeko behar den energia murrizten da, beraz, CO₂ emisioak gutxitzen dira.
- Ordaindu beharreko tasa txikiagoa da: Hondakin gutxiago biltzeak eta garraiatzeak udalerriarentzako aurrezki ekonomikoa dakar.
- Herritarren kontzientziazioa: Ingurumena zaintzeko ohiturak indartzen ditu eta herritarren artean erantzukizuna sustatzen du.