2024·10·09
Asha Ismail, emakumezkoen mutilazio genitalaren aurkako aktibistarekin topaketa egingo da gaur arratsaldean, Andragoran . Topaketaz gain, 'Ausartak' ipuin ilustratuaren aurkezpena ere egingo da.
Arratsaldeko 18:00etan hasiko da ekitaldia, Andragorako egoitzan, Tolosan.
Horrez gain, azken astetan martxan izan den 'Emakumeen elkarlana sukaldatzen' ekimenean sortutako piezen instalazioa ezarriko dute, urriaren 19an, 10:00etan, Andragorako egoitzan bertan.
Eta azkenik, urriaren 25ean, ostirala, arratsaldeko 19:00etan TOPIC-en A panadaría konpainia galegoak LAS QUE LIMPIAN antzerki obra eskainiko du. Hoteletako pisu-zerbitzariek lan-eskubide eta eskubide sozial bidezkoak lortzeko duten borroka antolatuaz ari da, eta horien aurrean, hotel-kateen jabeek erakusten duten zekenkeria sinpatikoaz. Ikuskizun honetan, A Panadaría-ren sortzaileek galdera hauek egiten dituzte: Posible al da lan honi balioa ematea eta generotik bereiztea? Ba al dago turismo iraunkorrik? Nork garbitzen du garbitzailearen etxea?
Sarrerak doakoak izango dira, TOPIC-eko web orrian edo takilan eskuragarri.