IRURA
udala  

Uztailaren 15etik 18ra bitartean Iruratik igarotzen den Oria ibaiaren zatian garbiketa-lanak burutu zituen Irurako Udalak Gureak gizarteratze-enpresaren bitartez.

Bildutako hondakinak San Migel plazan ikusgai izan ziren aste horretan zehar, herritarrak ibaira iristen diren hondakin-kopurua ezagutu eta hauek jatorrian ondo kudeatzeko beharra azpimarratzeko helburuarekin.

Izan ere, hondakinak dagokion edukiontzian edo tokian modu egokian jasotzen ez badira, horietako askok ibaian amaitzen dute eta, zati handi batek itsasoan.

2024ko Irurako zatiko Oria ibaiaren garbiketa-kanpainan 103 kilo hondakin atera ziren ibaitik, modu honetan sailkatuta:

• 23 kg plastiko

• 5 kg egur

• 52 kg burni

• 23 kg errefusa

Udalak gogorarazten du hiri-hondakinak modu egokian ez kudeatzea 90,1 eta 45.000 euro arteko isunarekin zigortua dagoela eta hainbat aukera dituztela hondakinak modu egokian kudeatzeko:

• Herriko kaleetan kokatutako edukiontzietan (organikoa, papera eta kartoia, ontzi arinak, beira, arropa, sukaldeko olioa, pilak, errefusa, zakur gorotzak).

• Hondakin arriskutsuak: Kultur etxe ondoan dagoen etxolan edo Garbigunean.

• Tamaina handiko hondakinak: beirarentzako edukiontzien ondoan hilaren lehen eta hirugarren ostiraletan (bezperako gauean 20:00etatik aurrera). Ezin da utzi obra-hondakinik, pneumatikorik, paletik, paperik, kartoirik edo/eta zabor-poltsarik.

​​​​​​​​​ Bilketa egokian laguntzeko hondakinak egoki sailkatzeko gida eta eskualdeko bi garbiguneen informazioa eskura dute herritarrek.

Garbiketa-lan hauek Gipuzkoako Foru Aldundiko Ingurumen eta Obra Hidraulikoetako sailaren dirulaguntza jaso dute.