Hondakinen bilketa zerbitzua

Irurako udalerrian eta Tolosaldeko eskualdean hondakinen gaikako bilketarako zerbitzu ezberdinak daude herritarren eskuragarri.

Zerbitzu hauek ondorengoak dira:

Gaikako bilketa zerbitzua:

•   Papera eta kartoia
•   Ontzi arinak
•   Organikoa
•   Beira
•   Errefuxa
•   Hondakin arriskutsuak
•   Arropa
•   Sukaldeko olioa
•   Pilak
•   Zakur gorotzak

Informazio bulegoa: Hondakinen gaikako bilketari buruzko informazio bulegoa Tolosan dago eta hauxe da bere telefonoa: 661 559 736

Bolumen handiko hondakinen bilketa:

Zein hondakin utzi daiteke?

Etxeko tresna handiak: altzariak, koltxoiak, linea zuriko etxetresna elektrikoak (hozkailuak, ikuzgailuak, etab.), linea gris-marroiko etxetresna elektrikoak (telebistak, ordenagailuak, etab.).

Ez utzi:

Ezin da utzi obra-hondakinik, pneumatikorik, paletik, paperik, kartoirik edo/eta zabor-poltsarik. Horretarako, erabil ezazu Garbigunea.

Bilketa eguna:

Hilaren lehen eta hirugarren ostiralean egiten da bolumen handiko hondakinen bilketa Iruran. Hondakinak bezperako gauean 20:00etatik aurrera utzi behar dira beirarentzako edukiontzien ondoan. Jai egunetan ez da bilketarik egiten.

Beste aukera bat hondakin hauek Tolosa edo Andoaingo Garbigunera eramatea da.