Web edukia bistaratu

Euskara praktikatzeko saioak herritarrentzat

Udalak 2014ko ekainean abiatu zuen ekimen hau.

Ikasturtean zehar eukara ikasten aritutako etorri berrien beharrak aztertu ondoren, ikasitako hori praktikan jartzeko aukera izatea ezinbestekotzat jo zuen Udalak, eta aukera hori ematea erabaki zuen.

Banaiz Bagara Elkarteak gidatu ditu 2016ko urtarrilera arte mintzamena praktikatzeko saio hauek. Hasiera batean, asteazkenero biltzen ziren, 17:30etik 18:30era, ludoteka zaharrean, ondoren, asteartero izaten zuten hitzordua, 15:00etatik 16:00etara Kulturuneko Gaztelekuan, eta gaur egun, udaleko euskara teknikariarekin batera aritzen dira asteartero, 15:00etatik 16:00etara Kulturuneko Gaztelekuan.

Euskara praktikatu nahi duenak Iruran izango du aukera, astearteetan, ordubetez tertulian aritzeko, gai desberdinak jorratzeko eta hainbat jarduera burutzeko. Horretarako, euskaldunon laguntza ere ezinbestekoa da, ikasten ari direnekin harremanak euskaraz sortu eta mantendu behar baititugu.

Mintzapraktika saio hauek errefortzu modura hartzen dituzte euskara ikasten ari direnek, horrela, euskara ikasteaz aparte, ikasitakoa praktikan jartzeko aukera dute.

Interesa duenak (euskaldun berri nahiz euskaldun zahar) udaletxeko euskara zerbitzura jo behar du.